ASTEKARIA

Atal honetan IKTko ikasgaian egindako ekintzen laburpen bat aurkituko duzu

2014ko urriaren 29.

Lehenengo klase eguna izan da gaurkoa, aurkezpen eguna hain zuzen ere. Bertan, lau hilabete honetan egingo dugunaz hitz egin dugu. Jarraian, gaiarekin hasi gara Web 2.0ren inguruan berbetan. Zer den, zein ezberdintasun dauden web 1.0rekin eta abar. Horretarako, Iratxe Esanaola Arribillaga, informatika ingeniariak idatzitako Euskara 2.0 testua irakurri dugu, ostean laburpena eta hausnarketa bat egiteko eta IKTren inguruko galdera batzuk erantzun ditugu. Hona hemen egindako lana:

EUSKARA 2.0 : ZER DA HORI?

Iratxe Esnaola Arribillaga, informatikan ingeniaria, Gara egunkarian Euskara 2.0ri buruzko artikulu bat idatzi du eta bertan, hain entzuna den bi zenbaki hauen inguruan hitz egiten du.

Hasteko bi zenbaki hauen esanahia azaltzen du honako azalpena emanez: 2.0 eta gisako zenbaketa sistemak, softwaregintzan edo programa eta aplikazioen garapenean erabiltzen dira gehien. Zenbaketak programa baten bertsioa definitzen du. aldaketa handiek 2.0 bertsioa ere eragin dezakete, salto bakar batean. Beraz, 2.0 kontzeptuak iraultza teknologiko bat suposatzen du. Jauzi bat. 2.0k egoera eta zerbitzu berritzaileak dituen eremu eguneratu bat dakarkigu. Aldaketa hau bizitzako esparru guztietan sartzen hari da, adibidez, publizitatean, hezkuntzan eta politikan. Ondorioz, teknologia berriak eta Internet gure bizitza eta bizitzeko modua aldatzen ari dira.

Ostean web 2.0ri buruz hitz egiten du. 2.0 kontzeptua Internetetik datorrela dio. Tim 0’Reilly irlandarrak Web 2.0 edo Internet 2.0 definitu zuen 2005. urtean. Internetek bere sorreratik (1991) jasandako aldaketaren ondorio da kontzeptu berria. 15 urteotan, hasieran informazio iturri huts zen Internet, jendartearen parte-hartzea eta elkarlana ahalbidetzen eta sustatzen dituen tresna bilakatu da. Erabiltzaileak sarearen eraikuntzan inplikatzen dituen fenomenoa da Web 2.0. Erabiltzaileok edukiak modu azkar eta erraz batean sortzeko tresna andana dugu sarean. Gutxieneko informatika ezagutzekin Interneten parte-hartzaile aktibo eta kolaboratzaile bihur gaitezke. Espazio birtual kolektiboaren parte izan gaitezke.

Hirugarren puntu nagusi bezala euskararena daukagu. 2.0 gizarte honetan euskararen tokiaren inguruan hausnartzen du. Teknologiak euskaratzearen beharra ikusten du egileak. Eta euskara teknologien bidez munduratu. Euskarazko tresna propioak garatu eta erabili behar ditugula dio. Bere ustez, euskarazko tresnak erabili eta euskarazko edukiak irakurriz egingo baitiegu aurre Internet oinarri duen globalizazioaren eragin kaltegarriei.

Eta ondorio bezala bizitza 2.0ri buruz idazten du. Gizartean eman diren aldaketak hauek geldiezinak eta saihestezinak dira. Eta, gainera, ez daude gure esku. Mundua globalizatu egin da, guk hala desiratu gabe. Euskarak eta Euskal Herriak beren txikitasunetik abiatuta handi izan behar duela munduan uste du. Eta horretarako, teknologiak lagungarriak izan daitezke, ondo erabiltzen baditugu. Guk uste baino aukera gehiago ematen dituzte eta guk uste baino eskuragarriago ditugu. Beraz, mundu berri honetara egokitzea da gure bide bakarra.

Praktikarekin hasteko, Gmailarekin hasi gara lanean. Askotan, mezua bidaltzeko eta jasotzeko erabiltzen dugu soilik. Gaurkoan, plataforma honek eskaini ditzakeen hainbat baliabide erakutsi zigun irakasleak, hala nola, etiketak jartzea, drive erabiltzea, alarmak jartzea, eta abar.

Klasearekin bukatzeko, lau hilabete honetan zehar egin behar dugun blogari eman genion hasiera. Gmail kontuarekin, blogger atalean sartu eta bloga sortu dugu. Horretarako gaia pentsatu behar izan dugu. Baldintza bakarra haur hezkuntzarekiko erlazioa izan behar zuela zen. Nire kasuan, ez nuen asko pentsatu eta pedagogiari buruz egitea erabaki nuen. Hau, haur hezkuntza ikasten hasi nintzen lehenengo momentutik gehien gustatu zaidan gaia da. Horregatik, hainbat pedagogo ezberdinen inguruko informazio eskaintzea erabaki nuen, sarrera bakoitzean bat azalduz. Blogaren izenburua pedagogiekin gora eta behera nahiz eta helbidea http//pedagogiaaskatzaileak.blogspot.com.es izan.

Irakasleak bloga sortzeko eta baliabide ezberdinak erabiltzen irakatsi zigun. Hala nola, zelan egiten diren sarrerak, nola jartzen den izenburua, blogaren diseinua zelan aldatzen den eta abar. Egia esan nik ez daukat gaitasun handirik ordenagailuei dagokionez, beraz, pausu hauek poliki poliki eman nituen irakaslearen eta nire ikaskideen zuzenbideei esker. Eta blogak sortzen bukatu genuen klasea.

2014ko azaroaren 5a.

Bigarren klase honekin hasteko, taldeka jarri gara web 2.0ri buruzko bideo batzuk ikusteko. Gure gelako taldekide bakoitzak bideo ezberdin bat ikusi dugu. Gero, gure berezko taldetan batu eta bakoitzak besteei ikusitakoa azaldu dio. Denak gai izan arren era ezberdinetan azalduta daude. Nire kasuan, era formal batean azalduta zegoen, emakume bat power point baten bidez azaltzen zuen zer zen web 2.0. Ariketa honekin bukatzeko txosten bat egin dugu.

Jolastordua eta gero, bloga lantzen jarraitu dugu honek eskaintzen dituen baliabideak erabiltzen ikasten jarraituz. Adibidez, argazkiak eta estekak eskegitzea. Blogeko lehenengo sarreretan ikus dezakezu egindako saiakerak.

Blogarekin lan egin eta gero, lau hilabete bukaerarako egin beharreko proiektuarekin hasi gara. Proiektuare izenburua edo abiapuntua Zer egin dezaket IKT ikasgelan sortzeko? da. Taldetan jarrita proiektuko lehenengo pausuak eman ditugu, talde fitxa eta akta eginez hain zuzen ere. Baita ere, taldeko site-a sortu dugu. Eta honekin bukatu dugu gaurko klasea.

2014ko azaroaren 19a.

 Gaur, identitate digitalari buruzko bost bideo ikusi ditugu. Ostean, taldetan elkartu gara eta egelan dagoen gida bat jarraituz hausnarketa bat egin dugu. Bertan, interneten jartzen dugun informazioaren inguruan hitz egin dugu, ia kontziente garen eskegitzen dugunak duen eragin eta ondorioez. 

Ostean, bloga hobetzeko teknikekin jarraitu dugu, hala nola, Vimeoko bideoak zelan eskegitzen diren, gadget berri bat jartzen (Feed-a) eta common creativity zeinua zelan jartzen den. 

Behin hau bukatuta, hezkuntzako blogen inguruko lan bat egin dugu taldeka eta klasearen aurrean aurkeztu behar izan dugu. Lan honetan, blog motak, erabilerak eta ezaugarriak azaldu ditugu. 

Azkenik, bukatzeko taldeka egin behar dugun siten inguruko informazio gehiago jaso dugu.

2014ko azaroaren 26a.

Gaurko klasea sitearekin hasi dugu. Aurrera eramango dugun proiektua plataforma honen bidez gauzatuko dugu. Lana ez da betiko erara egingo, hau da, ez dugu paperean entregatuko ezta irakasleari email baten bidez bidaliko, sitearen bidez ematen ditugun pausuak argitaratzen joango gara. Taldekideak eta irakasleak soilik ikusteaz gain sitean sartzen den edozein pertsonak ikus dezake, hau da, publikoa bilakatzen da.

Proiektu honen abiapuntua, aurreko egunean esan bezala, IKTak geletan zelan integratzen diren izanik , gu talde eta profesional bezala helburu hau zelan burutuko genuke azaldu eta definitu beharko dugu. Hasteko, mapa kontzeptual batean jarri  dugu. Gero egoera eta helburuak kontutan hartuz hipotesiak planteatu ditugu eta gure klaseko lanaren kronograma bat sortu dugu.

Talde guztiak puntu oriek bete eta gero, Jordi Adell-ek gaitasun digitalari buruzko azalpenak ematen dituen bideo bat ikusi dugu La competencia digital izenenekoa. Hartutako apunteak erabiliz gaitasun digitalaren maparen kontzeptuala egin dugu.

Klaseko azken saioa proiektuari eskaini diogu,hurrengo pausua gure helburua lortzeko informazioa bilatzea izan da. Ikasgaiarekin erlazionatuz, internetek eskaintzen digun Delicious izeneko baliabide bat erabiltzen ikasi dugu. Bakoitzak kontu bat egin behar izan du eta lortzen zuen informazioaren helbidea bertan gorde. Zazpi aukeratu eta horien artean bat aukeratu eta azaldu behar izan dugu.

2014ko abenduaren 3a.

Gaur, proiektuan zentratu gara. Hasteko, bakoitzak aukeratutako web gunea beste taldekideei azaldu diegu eta gero laburpen guztiak sitesera igo ditugu. Horietako bat klase aurrean azaldu behar izan dugu.

Ostean, egoera birdefinitzen hasi gara, gure kideetako baten praktiketako egoera bat definitu dugu. Honen bidez sinesgarritasuna ematen diogu eta esperientzia proiektua aurrera eramateko erraztasunak ematen dizkigu. Horrekin batera, azken proiektuaren diseinua egin dugu, egoeraren justifikazioa, gida didaktikoa eta proiektuaren azalpena eginez.

Proiektuarekin bukatzeko blog bat eta aurkezpena egin dugu. Bloga, proiektuaren barneko ekintza bat da. Blog hau IKTak integratzeko teknika bat da. Irakasleak idatziko luke eta guraso guztien eskura egongo litzateke. Lau urteko gela izenekoa da eta irakasleak gelan egiten dituzten ekintzen berri emango du. Esteka honetan aurki dezakezue sortutako bloga.

Eta egun honekin bukatzeko aurkezpena egin dugu. Hasteko proiktua laburtu eta Pow toon izeneko aurkezpen tresna erabili dugu.

2014ko abenduaren 10a.

Hau klaseko azken eguna izan da eta aurkezpen eguna izan da. Klaseko lehenengo saioan aurkezpenak prestatzen egon gara. Jolastordua eta gero aurkezpenak egin ditugu klase aurrean.